काठमाडौं : दक्षिण अफ्रिकाका राष्ट्रपति ज्याकोब जुमाले चुनावमा लड्न पाउने गरी मुद्दा जितेका छन् । ८१ वर्षका जुमालाई अफ्रिकी राष्ट्रिय कंग्रेसले चुनावमा लड्न नपाउनेगरी प्रतिबन्ध लाएको थियो ।
तर, देशको निर्वाचन अदालतले मंगलबार उनको प्रतिबन्ध फुकुवा गरेको छ । रुसी विश्व च्यानल आरटीका अनुसार जुमाले आगामी मे २९ मा हुने राष्ट्रिय चुनावमा उम्मेदवारी दिने भएका छन् ।
सत्ताधारी कंग्रेसबाट अलग भएका उनी विपक्षी गठबन्धन एमकेमा जोडिएर उम्मेदवार बन्ने भएका छन् । सन् २००९ देखि ९ वर्ष राष्ट्रपति भएका जुमालाई सन् २०२१ मा भ्रष्टाचार मुद्दा लागेको थियो । उनी १५ महिना जेलमा पुगेका थिए ।
यो खबर पढेर तपाईलाई कस्तो महसुस भयो
+1
+1
+1
+1
+1
+1
