संघीय सरकार र काठमाडौं महानगरबीच द्वन्द्व देखियो: अर्जुननरसिंह केसी

२०८१ जेष्ठ २४, बिहीबार

काठमाडौं : प्रमुख प्रतिपक्षी नेपाली कांग्रेसका सांसद अर्जुननरसिंह केसीले संघीय सरकार र काठमाडौं महानगरपालिकाबीच द्वन्द्वको स्थिति देखा परेको बताएका छन्। हालै संघीय सरकार र महानगरबीच देखिएको द्वन्द्वले सरकारमाथि नै गम्भीर प्रश्न उठेको केसीको भनाइ छ।

न्यूरोड क्षेत्रमा महानगरले सडक काटेर फुटपाथ बढाउन खोजेपछि संघीय सरकार मातहत सडक विभाग र सडक डिभिजन काठमाडौंले सडक कालोपत्र गर्दा तनावको स्थिति देखा परेको थियो।

त्यसप्रति लक्षित गर्दै केसीले प्रतिनिधि सभाको बिहीबारको बैठकको शून्य समयमा बोल्दै भने, ‘हालै संघीय सरकार र काठमाडौं महानगरबीच देखिएको द्वन्द्व र भत्काउने बनाउने गाईजात्राले सरकारमाथि नै गम्भीर प्रश्न उठेको छ, तत्काल समन्वय होस्।’

संघीय सरकार पक्ष युद्धउद्धत, अहंकार र झगडिया मानसिकता बोक्न नहुने उनले बताए। ‘समन्वय गर्नुपर्ने दायित्व छ, तत्काल पूरा गरोस्,’ उनले भने। संविधानको धारा २३२ र २३५ का व्यवस्था तथा अनुसूची ५ देखि ९ ले संघीय र प्रदेश सरकारका कार्याधिकारबारे प्रष्ट तोकेको पनि उनले बताए।

यो खबर पढेर तपाईलाई कस्तो महसुस भयो
+1
0
+1
0
+1
0
+1
1
+1
0
+1
0

ताजा समाचार