काठमाडौं : गेटाफेविरुद्ध ३–० को सहज जित निकाल्दै साबिक विजेता बार्सिलोनाले स्पेनिस ला लिगाको शीर्षस्थानमा आफूलाई थप बिलियो बनाएको छ ।

लगातार आठौँ जितसँगै बार्सिलोनाले शीर्षस्थानमा पाँच अंकको अग्रता बनाएको छ । शनिबार क्याम्प नोउमा घरेलु टोली बार्सिलोनालाई जित दिलाउन एन्थोनी गोर्डन, गाब्रियल जिसस र जुल्स कुन्डेले एक–एक गोल गरे । खेलको दोस्रो मिनेटमै गोर्डनको गोलमार्फत बार्सिलोनाले अग्रता लिएको थियो । ३२औँ मिनेटमा जिससले टोलीको अग्रता दोब्बर बनाए ।

कुन्डेले ७३औँ मिनेटमा गोल गर्दा बार्सिलोनाले ३–० को सहज जित निकाल्यो । जितसँगै बार्सिलोनाले आठ खेलबाट २४ अंक जोडेको छ । बार्सिलोनालाई एट्लेटिको मड्रिडले १९ अंकका साथ पछ्याइरहेको छ । पराजित गेटाफे ८ खेलबाट आठ अंकका साथ १३औँ स्थानमा छ ।