हेटौँडा : प्रधानमन्त्री पुष्पकमल दाहाल प्रचण्डले यसअघिको सरकारमा अर्थमन्त्रीसँग तालमेल नमिल्दा देशको अर्थतन्त्रले सही दिशा समात्न नसकेको बताएका छन् ।
निर्माण व्यवसायी महासंघको २५ औँ साधरणसभालाई हेटौंडामा उद्घाटन गर्दै प्रधानमन्त्री दाहालले सरकारले एउटा बाटो लिएको अवस्थामा तत्कालीन अर्थमन्त्री प्रकाश शरण महतले सहयोग नगरेको उल्लेख गरे । आफू देशमा अर्थतन्त्र खस्किएको अवस्थामा नेतृत्वमा आएको तर आफ्नो अर्थतन्त्रलाई दबाबमुक्त बनाउन आफू र तत्कालीन अर्थमन्त्रीको ट्युनिङ नमिलेको कारण अप्ठ्यारोमा परेको बताए ।
प्रधानमन्त्री प्रचण्डले निर्माण व्यवस्था क्षेत्रमा भएको अनियततालाई रोक्न व्यवसायी संघपनि जिम्मेवार भएर लाग्नुपर्ने बताए ।